Родился 20 октября 1958 года в селении Пиперкент Сулейман-Стальского района ДАССР.

Школу окончил в с. Тагиркент Магарамкентского района.

М. Бабаханов пишет стихи со студенческих лет. Его подборки в периодической печати отличались свежестью и глубиной мысли, простотой языка и выразительностью строк.

Книги «Улица любви» и «Звезды не лгут», изданные на лезгинском языке подтвердили мнение читателя, что Бабаханов - один из самых одаренных лезгинских поэтов поколения 80-х годов XX века.

В последнее время М. Бабаханов пробует себя в прозе, но главное в его творчестве - поэзия.

Подготовлен к выпуску, очередной сборник стихов М. Бабаханова «Ученик солнца».

Лауреат премии комсомола Дагестана.

Награжден именными часами Председателя Госсовета РД.

Член Союза писателей России.

ХУШ Я ЗАЗ

Хуш я заз зарулвал зулун,

КIвахьзавай пешерин вишриш,

Уьтери рагъулвал вацIун,

Цаварин нур фенвай гимиш.

Хуш я заз къушарин къифле,

Сир тушир, гьинватIа кьибле.

Илаки хуш я заз лекьер,

Кьабул тир ватандин мекьер.

Хуш я заз жикIийрин ялав,

Инийрин ширинвал чIулав,

Эчякьай цIиб галай къвалахъ,

Чуьлдавай тарцик квай булах.

Хуш я заз бахчада чардах,

Няналди чиг кьвадай чардух,

ИшикIриз кIватIзавай ичер,

Рушарин кьецIил тир кIвачер.

Хуш я заз, сивихъ кьван цифер

Чимнавай, перишан йифер,

Вилик квай михьиз амай чар,

РикIик квай кхьиз амай цIар…

***

ДИДЕ

1

Хтанва зун хайи кIвализ,

Ацукьнава пичинив.

Дикъетдивди килигзава диде заз.

Сел физва зай гьекьедин:

Чизвач, гзаф чим гузвайди

Пич ятIа,

Я тахьайтIа вилер ятIа дидедин...

2

Кьил чуьхуьзва дидеди.

За, хиялри тухвана,

Иличзава адал яд:

- Бесрай, чан хва.

- Каф кума, бах, лацузма, -

Иличзава за мад яд -

Хкатзавач сакIани:

Бирдан рикIел хтана зи

Рехи тирди адан кьил...

3

Сандух авай дидедихъ.

Ада хуьзвай дапIарда

Къизилар ваъ,

Кафандин агъ.

Сандух ама гилани,

Ам ичIи я...

http://lezgi-yar.ru/index/babakhanov_majrudin_babakhanovich/0-83